Huslogboka teigvegen 11
torsdag 31. desember 2015
mandag 7. desember 2015
Platting både her og der
Vips, ja faktisk vart det nesten så, at plattingar kom på plass! Grunnarbeid gjort av HM-bygg og finishen av mannen sjølv. Då kan me gå inn hoveddøra utan å snuble og starte bruken av plattingen i sør, den med den fine utsikten 😃
torsdag 19. november 2015
Vinteren er her
Og her kjem nokre bilder frå utsida på veg heim frå skulen ein dag i november. Det skulle gå litt tid sidan sist, men kort oppsummert kan me sei at hausten tok oss fullstendig.
søndag 27. september 2015
Kvardagskarusellen
Vel i hus, med pappøskjer og stæsj, gjekk piffen litt ut. Eller rettare sagt, kvardagen kom. Den har jo fullt opp allereie, utan haugevis med pappøskjer, krokoppheng, hylleskruing, sortering, lage-system og finne fram. I kvardagen skal me komme oss ut, i ein fei, med dei riktige klærne på og med alt som står på vekplanen at me skal ha i sekken, skal vere I SEKKEN! Me skal hugse på å melde frå til skulen i tilfelle "gå-sjølv heim" eller bli med den heim og me skal gjere lekser og engasjere oss i våre eigne og andre sine barn og familier og jobb... Me må vere like flinke i jobben og herrejesusogfader så fort det går... Me heng oss på kvardagskarusellen og let hus vere hus ei stund...puh :).
tirsdag 4. august 2015
Innflyttingskaoset...
...skal etter planen bli orden, system og så godt som klart i løpet av ei veke, ei barnefri veke (Anna og Leander er i Danmark med tante Anita og mammo). Så her er det berre til å brette opp armane, for slik ser det ut no (man må jo vise den sida av historia også:)
tirsdag 28. juli 2015
Utandørs, også eit prosjekt
Det seiast at man bør setje av ein slump med peng til utandørsarbeid etter at huset er kome på plass. Me gjorde det, men er det nok og er det eigentleg oppete av andre ting?
Og sørsida, som kunne vorte humpete og bratt enda opp slik, veldig fornøgd, her får me ein fin plen.
Svein Tore Lysgaard i Schjörn AS. er på befaring og dette er karar som veit korleis ei tomt oppfører seg, ovanfor og under jorda. Dei skal lage støttemur bak for oss, det har me allereie avtalt. "Men så hadde det vore knakande kjekt for både oss og naboar om me også fekk stelt i stand rundt heile tomta og ordna mur framfor og plen og litt her og litt der"... og eg blir brått engsteleg for at me seier ja til noko me aldeles ikkje har råd til no....
Men på den andre sida, skal me sjølv stå med spade og slite i dagevis då kanskje...?
Me blir einig til slutt, legg ein plan og karad'n til Schjörn er raskt på pletten. Dei omkalfatrar litt i skjemaet sitt og kan vere hjå oss på dagen. Så kva anna kan me sei enn KØYR PÅ, start gravemaskina!!
Eg elskar gravemaskiner og eg elskar steinmuren som openbarar seg bak huset!
Litt her og litt der og vips, ein plan! Desse folka har planlagt uteområder før
Nordsida. Elektriker Frode er også raskt på plass då ein kabel og inntaksskapet til huset må flyttast.
Støttemuren bak huset, I love it!!
Abonner på:
Innlegg (Atom)